الأربعاء، سبتمبر 08، 2010



مسرور ..وشهرزاد ..وماهر الجوهرى.. فى حواديت الف ليلة وليلة



فى اتصال قصير جدا هاتفنى ماهر الجوهرى وقال انا لسة طالع من امن الدولة واتبهدلت اخر بهدلة
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ودى المرة المليون تقريبا الى فيها ماهر بيتمنع من مغادرة مصر سواء بطريقة مشروعة او غير مشروعة

*************

وبعدها كلمنى تانى وحكى عن مغامرات حصلت فى بورسعيد وازاى اتقبض علية هو وبنتة دينا على احد الارصفة وتم اقتيادة للمديرية وكان فى عقيد اسمة  /حسام مسعد   كل شوية يقول لة انت ماشفتش الوش التانى - انت ماشفتش الوش التانى - انت ماشفتش الوش التانى -- والى تفهمة من كلمة العقيد وترديدها باستمرار انة راجل دبل فيس - مرة بمبى ومرة كحلى
اتاريهم ال اية عاملين قضية لواحد سورى اعتقد وهى قضية هجرة غير شرعية وخدو ماهر شاهد وهاتك ياتحقيقات ونيابات ومضوة انة شاهد وقالو لة القضية دى غير التانية وفى اخر الامر خد اخلاء سبيل من النيابة
لكن ابو وشين قال لهم لآ الاخلاء هيكون من معرفش فين
وخد دينا وماهر الى مبنى الجهاز
المعاملة كانت معقولة والظابط قال لماهر انت مش محتاج رجل دين ؟؟
يعنى اية ؟؟
يعنى فى جلسات نصح وارشاد ؟؟
مش بيقولو اتلغت ؟
ماعلينا -- نتجاوز
ومر الوقت بين تحقيقات ومناقشات وخلافة الى ان اتى فرج ربنا وسابوهم
وفى اخر الامر عوملو بلطف ظاهر

********
طيب عاوزين منة اية ؟؟
ياجماعة الحريات مافيهاش دة اة ودة لآ
زى ماقلت كاميليا حرة وماريان الى بفت مريم حرة

ماهر كمان حر 

وياريت بدال ماهو مضطر للعب الحواة لمغادرة مصر
تسيبوة يعيش فى بلدة بدون مضايقات



وكفايانا ازدواجية وتمثيل
انا كنت ومازالت ضد مظاهرات الاقباط علشان عودة كاميليا وضد كل الكلام الى اتقال
والامن لما رجعها بصراحة ادى الكنيسة والاقباط المقلب التمام
وخلع
طيب ياامننا ياحامى حمانا
لما الست كانت عندك مش تخليك حريص على انك تكون شفاف وناصع
ولا هى المواضيع اتفاقات من تحت لتحت
فوت وانا افوت
طيب خلى المعاهدات دى تنفعكم
وياويلكم من الشعوب لما تصحى وتقطع كل المعاهدات
كاميليا تزعل - تهرب - تحب - تاسلم
هى حرررررررررررررررررة
والدكتور جوزها الى طالع يقول مراتى مااسلمتش وموافق اطلعها فى برنامج تلفزيونى
موافق ازاى يعنى ؟
ولية ؟
هى لما هربت منك كان امر عام ومسيحى وجهادى

ولما رجعت تانى بقى الامر اسرى وسعادتك بتتكلم عنها ؟

بصراحة منطق ينقط
ونفس الكلام قالة الانبا بسنتى
قال ان اسرتها هى الى تطلب اى طلبات

طيب ياسيدنا لو الامر كدة يبقى كان من الاولى ان الزوبعة والمظاهرات الى اتعملت متحصلش
وانة برضو كان الامر يتم فى اطار الاسرة لانها زى مانيافتك تكرمت وقلت ان امرها بيد اسرتها



اما بقى المجاهدين من الجانب

دة على اعتبار ان موضوع كاميليا جهاد اكبر

لما انتم زى مابتقولو الست اسلمت لية معملتوش لها وهى عندكم
دقيقيتين كدة على اليوتيوب حتى
زى مااتعمل لمريم او ماريان ؟؟

ماهو محدش بحاول يفهمنى انها مجتش على بال حد
ولا هى اسلمت والكفار المسيحيين خطفو مسلمة
ودة كلة ظهر بعد مابقت عند المسيحين ؟
كلام خايب
عيب عليكو يامسلمين
وعيب عليكو يامسيحيين




إرسال تعليق