الثلاثاء، أغسطس 30، 2011

عادل لبيب ومصطفى بكرى وثالثهما المشير



د. احمد عمران الزمر 
من ابناء قنا الناجحين المجتهدين 
دعمناة كمرشح لتولى منصب محافظ قنا 
واهو مدنى وقدام عينيكم 
ومن جيل شباب الثورة 
عمرة 33 سنة 
استاذ جامعى  ومتخصص فى التخطيط التنموى وحاجات كتير فاتنى انى اشرحها ولكن ملحوقة 

استغربت جدا لما  جة عادل لبيب الى لسة بيفخر انة من كوادر جهاز امن الدولة "الوطنى حسب كلامة " والى بيضم الرجال الشرفاء وبرضو دة حسب كلامة 
وانة بتربطة بكوادر  لا تمثل جوانا الا جبهة "احنا اسفين ياصلاح " علاقات متينة 
وكمان مصر جدااا ان قنا بلد قبائل وانة هيدير الامر من المنطلق دة ؟ !!! 
بصراحة اختيار عادل لبيب لقنا هو اختيار خايب 
وكلمة للكتل السياسية الى قعدت معاة وكركر ومرمر وهات ياتبويس لحى والاسم انهم ثوار ومعارضين 
هو انتم مش مكسوفين من المبدء ؟
تم رفض اللواء عماد شحاتة ميخائيل من منطلق طائفى 
ولما قلت طائفى قم قال بعض الناس 
لالالالالالالالالالالالالالالالالالالالالا
احنا امامير ومش طائفيين 
احنا رافضين عماد شحاتة لانة ن رجال البوليس 
ولانة قد يكون مشارك فى كزا وكزا 
ودققو كويس فى حكاية قد يكون دى ؟؟ 
نكتة على مااعتقد 
يعنى الاخ اللواء شحاتة متهم باانة قد يكون !!!!!!!
عايز اقول كلمة ابيحة 
وبعد دة كلة رجعو نفس القوى السياسية وهرولو الى لقاء لبيب واعاد على مسامعهم موضوع انة فخور بانتمائة لجهاز امن الدولة !!! 
امر مخزى 
عادل لبيب فى اخر يوم رمضان قف بوابات المحافظة ولغى جزء كبير جدا من اللقاء المفتوح الى كان فية الناس مقهورين على الابواب 
وخلع
راح المعنا عند صديقة مصطفى بكرى وافطر هناك 
تعالو نعمل فلاش باك كدة 
فاكرين لما انهار جهاز امن الجولة وجرى رفعت طة وغيرة واستخبو فى فيلا فلان ومزرعة فلان 
ياترى عادل لبيب اول يوم لة فى البلد راح المعنا واخر يوم راح المعنا ومصطفى بيجى من القاهرة مخصوص على طريقة "خذ بيدى "
انتم مش شايفين ان فى حاجة غلط ؟
عموما احنا قررنا ان السيد المحافظ عادل لبيب الى بعثهولنا المشير هدية يكمل مسيرتة مع اعمال النضافة والرصف 
واحنا هناخد اتجاة تنموى موازى لان البلد بلدنا واما المحافظ فدة امر رايح جاى 
ياسلام ياسلام 
والله عجب 
عادل لبيب ومصطفى بكرى وثالثهما المشير 
فى حاجة غلط 
فى 
حاجة 
غلط 






إرسال تعليق