السبت، يوليو 16، 2011

طفى النور يابهية .. كل العسكر حرامية


طفى النور يابهية .. كل العسكر حرامية
حوار بين المضربين عن الطعام من معتصمى التحرير ومجلس العسكر

امبارح 15 يوليو قامت مجموعة من المضربين عن الطعام من معتصمى التحرير بفك اضرابهم عن الطعام بعد وعود اكيدة من المجلس العسكرى بالاستجابة الفورية الى جميع المطالب على شريطة ان يعلق الاضراب وتتم المناقشات بينهم وبين المجلس فى اليوم التالى
وفى اليوم التالى عاد المضربين ليعرضو مطالبهم التى تمثلت فى :
اولا _ تشكيل حكومة انقاذ وطنى
وجاء الرد :
ياحبيبى ياااااااااااااااااااحبيبى دة بيتعمل فعلا وهتتعرض خلال يومين فعليا
ثانيا _ اعادة هيكلة الشرطة
وجاء الرد :
ياحبيبى  يااااااااااااااحبيبى يابابا دة اتعمل فعلا وحصل اكبر تغيير وهيكلة للداخلية

ثالثا _اقالة النائب العام
وجاء الرد :
ياحبيبى ياااااااااااااااحبيبى
لما يكمل مدتة يابابا نحاكمة
رابعا _اقالة رئيس الجهاز المركزى للمحاسبات
وجاء الرد :
ياحبيبى يااااااااااااااحبيبى
نفس الرد بتاع النائب العام
خامسا _ الغاء المحاكم العسكرية للمدنيين
وجاء الرد :
لالالالالالالالالا دى حاجة طارئة واحنا لازم نعمل شئ ياابنى لحماية الشعب "وخلو بالكو ان فى البند السابق ممنوع منعا باتا اى استثناءات والبند دة تحديدا  لازم ولابد من ان يكون فى شئ استثنائى

سادسا_نقل الرئيس المخلوع من مستشفى شرم لمستشفى طرة
واليكم الرد الى محصلش :
يابابا ياباااااااااااااااااااااااابا
دى مش بتاعتنا احنا - دى بتاعة القضاء

فقال الشباب : يافندم منتم عملتم اعلان دستورى من غير راى الشعب
فاتت الاجابة من المجلس العسكرى اسرع وقالو :
مستشفى طرة غير مجهز
رد احد الشباب :
د ايمن نور فى القضية اتسجن فى طرة وكانت حالتة الصحية متدهورة تماما ووقتها اتقال لكل العالم ان مستشفى طرة مجهز تماما
قال المجلس بحسم : الموضوع دة خلص
قال احد الشباب بحدة ان الحوار ليس بجاد ولايوجد جدية ولا نية لتحقيق المطالب
رد المجلس : ماتقعدو تشربو حاجة
الى هنا فشلت المداولات وعاد المضربين الى استئناف اضرابهم

الجمعة، يوليو 01، 2011



انا جدع
انا اسمى
ابانوب جمال
سنى 16 سنة
اولى ثانوى
واحد من الثوار
واتكرمت لشجاعتى
لكن ال اية
مسكونى كم ساعة
وقالو عنى وزمايلى
بلطجية
وسابونى لما الكل شهد لى
!!!!!!!!!!!!!!!!!!!!!!!!
ولما انا ابن البيت الى دفع تمن الرأى غالى
واول مرة قبضو المجرمين على امى وشفتها بتتعرض نيابة
كنت فى سنة خامسة ابتدائى ابقى بلطجى ؟
امال مين يبقو الثوار ؟
ومين يبقو الاحرار ؟
ومين يبقو الاطهار ؟
صحيح الى اختشو ماتو
وصحيح الصحافة متغيرتش
وجريدة الجمهورية لسة بتاعة دولة مبارك
ولا حتى النظام اتغير
يمكن شالو ناس وجابو ناس
لكن احمد زى الحاج احمد

انا بحب مصر جدااااااا
ابويا الله يرحمة
وامى علمونى احبها

قبل ليلة مسرح البالون السودة
كنت زعلان على نفسى جدا
وعلى انهم قالو اننا بلطجية وهم بيخلو الميدان
كنت بنام ودموعى نازلة
وفى ايدى علمى وبغنى
يامصر هانت وبانت وكلها كم يوم
نهار الندل اسود - عتمة - خراب
ونهارنا زى الفل 
لكن بعد الى حصل لتكريم اهالى الشهداء
مابقيتش ابكى ولا اندم ولا اتوجع

بالعكس
انا فخووووووووووووووووور
انى عملت الثورة
انا جدع
ومش بلطجى
الامضاء
ابانوب جمال كامل