الأحد، أبريل 25، 2010


 من اقوال القبطى افندى


بعد فضيحة زيارة امير التنظيم بالحزب الحاكم المصرى
للنائب المغضوب علية شعبيا الغول
وزلك قبل محاكمة مرتكبى مجزرة نجع حمادى ب 48 ساعة فقط



ياترى مين ساند الكمونى ؟
وياترى مين ساند الغول ؟

************************
عــز قال للغـــول ..!!



تحية خاصة بمناسبة زيارة احمد عز للغول مما اسعد الغول وجعله يستقبل عز بالطبل البلدى والمزمار البلدى واللحم البلدى ولا عزاء لابناء بلدى



عز قال للغول يا غولى

رد الغول وقال انا غول صغير

بس عند قولى

لانى متربى فى عزو

والكرسى من تحتى ماحد يهزه

لا دم

ولاهم

ولا واحد شيطانه يوزه

............................................

عز قال للغول اوعى تفتكر انك فاشل

رد الغول وقال قطعية ماحدش بياكلها

بالساهل

الشتا عدى

والصيف بنقضيه فى الساحل

والشباب مات وراح

وانا مش راحل

............................................

عز قال للغول الناس بيلمونى

على حبك يا نور عيونى

رد الغول وقال خليهم يكلمونى

واللى يفتح بقــه

هابعتله الكمونى ..

............................................

عز قال للغول بالطبل تلاقينى

رد الغول وقال فرحان يا نن عينى

كل نقرة تطلعنى منها

وتعدينى

واسال جورجيت قلينى

............................................

عز قال للغول ما تخافشى

رد الغول وقال القاضى ما يحكمشى

انا قاعد والزمن بيمشى

اصل دى مش بلد

دى حلة محشى

............................................

عز قال للغول ما تزعلشى

رد الغول وقال اللى حصل ما يزعلشى

ستة او سبعة يموتوا وعاوزنا ما نضحكشى

اصل دى مش بلد

ودول مش بنى ادمين

دول اكياس طرشى

............................................

عز قال للغول ما تقلقشى

رد الغول وقال الغول ما يقلقشى

ياما دقت على روس الناس طبولى

ولا حد قالشى

وايه اللى حصل يعنى

هنا بلدى

وهنا نجع حمادى

و هنا كشحى

............................................

عز قال للغول تعال هنا جنبى

رد الغول وقال العفو ياللى

خليت حياتى بمبى

غسلت عارى

وداريت ذنبى

يسيح دم الشعب يا باشا

ولا تنزل نقطة من دمك

او دمى

..

ياسر يوسف غبريال





الف شكر للفنان شفيق بطرس
مع احتفاظى بحقى فى الفخر بكفاحى
لان البابا مع كامل احترامى مش بيزكينى ولا انا عضو مجلس ملى
انا من الناس وسااظل معهم

السبت، أبريل 24، 2010

من الرفيق سيد الشرقاوى

وصلنى الاتى

الاستاذة / هالة

بعد عظيم التحية ...

فوجئت اليوم باحد الاشخاص التابعين للحزب الوطنى ومسئول باحد كبرى الوحدات الحزبية بابوتيج يتحدث معى ويخبرنى باننى يجب الكف عن الدعاية الانتخابية لشخصى للترشيح للانتخابات لمجلس الشعب 2010عن دائرة ابوتيج بمحافظة اسيوط اذا لم اتراجع عن فكرة الترشيح للانتخابات التشريعية لمجلس الشعب سوف يتم اعتقالى وانة يوجد خطاب اعتقال باسمى للترحيل الى معتقل وادى النطرون وان هذه المعلومة من مصادر موثوق بها لدى مباحث امن الدولة بمركز ومدينة ابوتيج

والى سيادتكم بياناتى الشخصية

الاسم سيد عبد العال محمد شرقاوى

المهنة اخصائى اجتماعى بالتربية والتعليم

الموهل ماجستير معتقدات شعبية

الموبيل 0111740027

الاميل seth_722@yahoo.com



مرسل للعلم وعمل الازم

ولسيادتكم عظيم الاحترام

الراسل / سيد شرقاوى