امتى الزمان يسمح ياجميل ؟
القراء الاعزاء
اسعد الله اوقاتكم
كان لابد ان يستبق كلامى اليوم تحية عطرة للجميع لان هذا موقف قد فرضة على العنوان الذى اخترتة للمقال وبالرغم من تطرقى الى موضوع يعتبرة البعض ملتهبا الا ان اتزان نغمات مطرب الجيل محمد عبد الوهاب جعلتنى افكر بموضوعية واتزان بل وتبادلت المقاعد مع كل راى وكل فكر اخر على اجد مايبرر لة محاولة استيقافى ومنعى من الخوض فى الحديث عن الفريضة او الحقيقة او المهمة الغائبة الا وهى تعديل المادة الثانية من الدستور
قطعا انا كالكثير منكم قرات الفرق بين مبادئ واحكام الشريعة وبالطبع جميعنا هززنا رؤسنا تارة نحو اليمين وتارة نحو اليسار ونحن نحبذ تلك المقولة او نرفض الاخرى ولكن هناك ظاهرة واحدة فقط جمعت بين كل الرافضين لتعديل المادة الثانية وهم كازبون اشد الكزب فى تقاولهم انها خط احمر او تركواز او جنجاة لان نفس الهتيفة وضيوف البرامج ومفكرى الزمن الردئ غمزو ولمزو مرات ومرات حين تطرقنا الى الحاجة الملحة لاستصدار قانونا موحدا لبناء دور العبادة وايضا هبو متشنجين منتفضين فى الفضائيات بل وانى ارى الجريدة فى يدى تنتفض من فرط الارتكاريا التى تصيبهم مع فتح كل ملف ملغوم ومنها مثلا حرية العقيدة وبالطبع هنا اقصد من يريد ان يتحول من الاسلام الى المسيحية لان المنتقلين الى الاسلام لا استطيع انا او غيرى ان نزايد على معونة الاشاوس فى مساعدتهم وايضا حين فتح ملف تولى الاقباط المناصب العامة والقيادية ولا انسى المشهد الذى لاينسى لاخونا المجاهد الاكبر مختار نوح وهو يغمز ويلمز فى احدى البرامج التلفزيونية للمشاهدين ولمايكل الذى لا اعرف كيف قبل ضيافة هذا البرنامج وقال الاخ نوح اطال الله عمرة مبتسما ان الدولة لا تختاركم للمناصب القيادية وخجل ان يكمل فى اشارة لعدم حنكتكم فى الامور القيادية والسياسية واكمل اننا نقدر نقول ان الاقباط شاطرين فى الاقتصاد والتجارة وطبعا الرسالة وصلت ياخونا ونشكرك على لفت الانظار وايضا ولنكمل الجولة فى سلسلة اشمعنى الوقت دة بالزات ؟ هى البلد مستحملة ؟ هى ناقصة ؟ مين وراكم ؟ لنجد اغلاق كليات بعينها امام الاقباط والفتح بنسب معينة وقص الريش قبل مالطير يكبر ودعنا من الريش ولنعد للموضوع الرئيسى لان سلسلة الاتهامات بالخيانة ومسلسل توزيع الادوار طال كل من تحدث عن تمييز ضد الاقباط فى مصر وبالطبع السؤال الرئيسى المعتاد الذى اصبح يقال قبلة حصريا على كل القنوات والاغلفة والسطور 00ولية الوقت دة بالذات ؟ قال عالم ببواطن الامور ان الضمير الشعبوى الاموى غير مستعد لابتلاع تلك النقلة فى هذا الوقت بالذات وخرج السيد العلامة عصام دربالة عن صمتة فى الامور السياسية بل وصمت الجماعة كلها لوقت طويل طويل وقال ان الرفض مرجعيتة الخط الاحمر وبالطبع ستتوج المرحلة اغنية تعبوية شعبولية تتمايل على انغامها كل الاطياف المجتمعية سيكون مطلعها 00 الخط الاحمر اةةةةة 00000 ايةةةةةةةة وستوزع تلك الغنوة عدة مرات بحيث تنم عن المرحلة وشعارها فستكون تارة غنوة بالالات نحاسية ومرة بالالات حديثة وستعزفها الالهة حتحور على الهارب الكبير ولا تنسو المرجعية الموحدة الا وهى الخط الاحمر 00 واشمعنى الوقت دة ؟
استحلفكم بالله ياعلية القوم من فطاحل الوطن ان تجيبونى ولما لا لهذا الوقت ؟ طبعا سيرد كل قطاع شعبوى من مخزونة التراثى القومى فسيكون رد اعضاء الحزن الوطنى 00 بعد ان نمرر التوريث 00 وسيكون رد ماكس ميشيل 00 بعد ماقطع الكنيسة حتت 00 وسيكون رد الاخوان المسلمين 00 بعد الحكم لنا كلام تانى والرسول قال لهم مالنا وعليهم ماعلينا 00 اما الاخ دربالة فسيكون ردة بزنادة وبالطبع ليس هو فقط بل هو وكل رفاق الدرب سواء بالخارج او الداخل وهو 00 بعد مانخربها ونقعد على تلها
خلاصة الكلام اننا امام موروث شعبى يدفع ببعضهم لاداء دور البلطجة والترهيب والترويع
وامتى الزمان يسمح ياجميل ؟

تعليقات

‏قال Unknown
وامتى الزمان يسمح ياجميل ؟
فعلا السؤال إمتى الزمان يسمح؟، بصى يا ستى هالة هانم ، أنا صعيدى زيك و من قنا برضو ، و كلام صعيدى كدا فى بالك أنا فعلا إتخنقت من جيتو التفكير بتاع إخوانا الإقباط ، أنا ما بعممش ، بس واضح و الله أعلم إن فيه مياه كتيرة أوى أوى جرت تحت جسر بلدنا ، بمعنى أفكار و سلوكيات طائفية من الطراز الأول، معرفش طبعا رأيك فى أبونا زكريا بطرس ، بس الواضح إن زكريا بطرس موش شخص و لا حالة لوحدها ، دى حالة معششة فى دماغ كتير من الأقباط ، زى بالظبط ما أبو إسلام حالة معششة فى دماغ كتير من المسلمين. أنا شايف إن الموضوع ببساطة فى حاجة إسمها "سباكة الوحدة الوطنية" و دا الشعار اللى كل الرسميين من الحكومة و من الكنيسة و من الأزهر بيرحبوا بيه ، بس و الحمد لله أثبت فشلوا ، ليه ؟ لإنو طائفى.
إنتى زعلانة من إيه دلوقتى ؟ هاتيلى سبب واحد ، ما المرارة طايلة الكل، حتى ديسمبر 2005 كان علشان المسيحيين (بكل طوائفهم موش الإرثوذكس بس ) محتاجين قرار جمهورى علشان يرمموا دورة مياه فى كنيسة، طيب دا إتعدل و بقى المحافظ ، و طبعا قنا فيها محافظ مسيحى ، سؤالى دلوقتى هل فيه حاجة إتغيرت؟ ، ببساطة لأ ، الموضوع يا ستى موش كام إرثوذكسى واخد منصب فى الدولة (و خلى بالك إن مفيش كلام عن المسيحيين بشكل عام كلو عن الإرثوذكس و البابا شنودة)، أنا مسلم و موحد بالله و شايف أنا و أصحابى المر و المرار من جهاز أمن الدولة ، يقوم بقا واحد ينط يتكلم إن مفيش أقباط فى مباحث أمن الدولة ، طب اقوليلى و أحلفك بالمسيح و الإنجيل أنا أرد عليه بإيه؟ أروح اعمل مظاهرة علشان يعينوا عشر أقباط كدا ملو هدومهم يشتغلوا فى المباحث علشان يطلعوا عينى برضو؟ و يبقى هيا دى الوحدة الوطنية و إلغاء التمييز ضد الأقباط.
كمان حاجة تانية تصريحات الأنبا بيشوى حول الطوائف غير الإرثوذكسية، إيه رأيك فى الكلام دا، فيه إيه يا إخوانا هو التكفير بقى أغنية سعد الصغير الجديدة، و لا الحملة الغريبة بتاعت فيلم بحب السيما و لا قضية النبأ فى 2001 ، بدل ما الموضوع يكون حوالين الحوار و الرأى ( فى حدود عدم تحقير الغير) بقى هجمة على المسيحيين و تلويث سمعة المسيحية فى مصر على حد تعبير عزت اندراوس.
و علشان مطلعش كل القرف اللى عندى حوالين المناخ الطائفى القذر اللى إحنا فيه ، هسألك سؤال واحد ، هل ممكن تحدديلى بوضوح إيه هما مجموعة الإنتهاكات التى تقع على المسيحيين من المادة 2 من الدستور ؟ السؤال دا موش معناه نفى إن فيه إنتهاكات للى عايز يقول إن فيه إنتهاكات ، بس دى محاولة لحصر الإنتهاكات حوالين المادة اللى إنتى مهمومة بيها ، فيه مقابل إن فيه مادة جديدة هى المادة 179 بتاعت مكافحة الإرهاب ، و اللى ببساطة ممكن سيادتك يعنى و أى حد ممكن يفكر يفتح فمه و يقول لأ ، هيروح ورا الشمس إن شاء الله.
أخيرا إنتى بتتكلمى فى السياسة ، و دا معناه حاجات محددة هى ما تعارف عليه البشر فى كل الأمم التى تحترم كرامة مواطنيها بأدوات العمل السياسى ، و اللى هيا ببساطة الضغط بوسائل سياسية من أجل تحقيق المطالب ، موش فى كل ساعة و التانية مخاطبة "الرئيس المحبوب" ، فيه تمييز فى مصر ضد المسيحيين ، أنا موافق ، و يلا دلوقتى ننزل بشكل محترم لمظاهرة و دى وسيلة سياسية ، بس بشرط يكون شعار المظاهرة "معا ضد كافة أشكال التمييز" ضد المسيحيين و ضد البهائيين و ضد النساء و ضد الفقراء ............
و بصى لو زعلتى من شدة كلامى ، اقولك قلبك أبيض ، أنا بس فعلا قرفان من اللى بيحصل فى البلد دى و المستقبل المهبب اللى جاى علينا كلنا كمصريين و بركز على الكلمة الأخيرة.
‏قال غير معرف…
سيدى الفاضل لقد شرفنى تعليقك القيم وانا على اتم الاتفاق معك فىنقاط عديدة
‏قال غير معرف…
يااخ ياللى بتقول المرارة طايلة الكل انت
مرارة عن مرارة تفرق
و اللى قرفان قيراط غير اللى قرفان اربعة و عشرين
بتكدب ليه؟؟ مانت عارف ان الاقباط مضطهدين من كلا النظام الحاكم و رجل الشارع المسلم
غير رجل الشارع المسلم اللى محكوم بظلم من النظام بس و مش على اساس دينه كمان
يعنى ان كنتم انتم مظلومين من النظام الحاكم
احنا بقى مظلومين منه و مضطهدين منكم
يبقى ازاى اللى احنا فيه انتم كمان فيه؟؟

و موضوع القرار من المحافظ للبنا او الترميم انت عارف كويس انه مناورة و التفاف على حق الاقباط فى بنا و ترميم سلس لكنائسهم و لكن يظل الحال كما هو نفس الصعوبات و يمكن اكتر
تقولش يعنى الريس كان بيماطل انما المحافظ هايوافق هوا ... خش فى عبى خش

النظام عمره ماهايدى الاقباط حقوقهم لانه مايقدرش يغامر خصوصا فى عصرنا الحالى و يقوم الرأى العام المسلم ضده زيادة
اه الرأى العام و رجل الشارع المسلم ممكن يسكت لمبارك على اى حاجة انما عمره مايسكت لو الموضوع وصل للدين

ثم احنا مش عاوزين واحد قبطى فاسوخة فى كل مكان تسكتونا بيه و تظهروا ان الاقباط بيوصلوا للمواقع العالية

الموضوع مش موضوع جهاز أمن الدولة يامناور
الموضوع موضوع حقوق حارمنا منها المحتل الارهابى و عاوزين ناخدها
هما الاقباط طالبوا بتواجد و مساواة مع المسلمين فى جهاز امن الدولة بس؟؟ ياراجل من امتى الكلام ده؟؟

مجموعة الإنتهاكات التى تقع على المسيحيين من المادة 2 من الدستور هى انها
تفرض على المسيحيين قوانين ذات مرجعية اسلامية رغم انهم مش مقتنعين بالأسلام كدين أساسا
و تأسلم مصر رغم انها ليست دولة مسلمة
كما انها فى قوانين الاحوال الشخصية مثلا تحكم على المسيحيين باحكام اسلامية (كأباحة الطلاق) رغم انهم كما قلنا مش مقتنعين بالأسلام كدين

القبطى اللى بيفكر صح عمره ماهايتحد مع رجل الشارع المسلم عشان يزيلوا نظام حاكم لاستبداله بنظام العن و اضل سبيلا كالاخوان
الليبرالية وهم فى مجتمع متعصب كالمجتمع المصرى و اذا سقط النظام الحالى سيحل محله الاخوان المسلمين
قد نكره كأقباط نظام مبارك لكننا مضطرين ان ندعمه درءا لخطر وصول الاخوان للحكم
فالحرامى(النظام الحاكم حاليا) افضل كثيرا من حرامى و ارهابى(الاخوان المسلمين)
‏قال Unknown
السيد الإنموميس
يعنى أنا فعلا مصدوم ، موش من رأيك، لإنى ببساطة عايش فى البلد دى و ليا فعلا أصدقاء مسيحيين و الحمد لله إنهم شاركونى بعض الهموم دى ، بس أظن إن الإساءات اللى إنتا قلتها كانت زيادة شويتين ، من أول الإشارة الساخرة (يااخ ياللى بتقول المرارة طايلة الكل انت)، مرورا بالسخرية المريرة فى) خش فى عبى خش)، إلى جانب إتهامى بإنى مناور، انا فعلا آسف موش هقدر أدخل فى حوار كلو شتايم ، يا خى ممكن يكون خانى التعبير أو معلوماتى غلط ، بس أنا راجعت اللى أنا كتبتو كويس ، لقيت فيه لهجة حادة آه، بس موش موجهة للمسيحين على الإطلاق ، بل كانت منصبة على الواقع اللى إحنا فيه، و مكنش موجه إطلاقا لإنكار أوجه التمييز ضد المسيحيين ، دا بس كان مجرد توضيح لو كنت عايز تعرفه ، و عموما أنا آسف جدا إنى حاولت أدخل فى نقاش محترم حوالين حرية المعتقد فى مصر ، و تم إتهامى على طول الخط نتيجة إنتمائى الدينى اللى أنا مؤمن بيه. عموما أنا مبدخلش فى حوارات مسيئة من أى نوع.
‏قال الفرى =كيكو
eveta: veta: سيدى الفاضل صاحب اوراق الوطن
اهلا بك فى مدونتى المتواضعة واهلا للنقاش الجاد 0 لاشك انى متفقة معك فى بعض الاشياء ومختلفة فى نقاط اخرى -ولكن دعنى اوضح لك ان القرار الذى احال ملف بناء وترميم الكنائس للمحافظين قرار للاسف احالنا من التشتت بين اروقة رئاسة الجمهورية ووزير الداخلية الى التشتت ايضا ولكن بين اروقة المحافظ ومدير الامن وجهاز امن الدولة بكل بلدة 0وانت وانا لانستطيع ان ننكر ان هناك محافظين قلائل لا ترد لهم كلمة اما الغالبية العظمى فهى تتعامل على طريقة من فضلك الحنفايات ياسعادة المحافظ او السور ياباشا فيقول لك روح لعلى عودة
دة الواقع المرير الى واضح انك مش
عارفة
اما المناصب فهى شئ لن نتراجع عنة ولا عن مطالبتنا بة لانها تفرز مناخا صحيا وادى حضرتك مثلا وانت بتكلمنى وبتلقائية بتقول لى الاقى لك عشرة ملوم هدومهم 0 طيب وهو ياستازنا مين الى خلى الناس دى حاسة انها مش ملو هدومها وهل استمرار هذا الحال سينجب لنا الا اولادا هيجيبو العار للكل مش للاقباط فقط
وبعدين والمصحف يااخى مش لما يبقى فى ظابط امن دولة مسيحى هتلاقى سندوتشات نازلة عليك اة هى هتكون فول وطعمية لان الباشا طبعا صايم الصيام الكبير او الصغير 0لكن اهو هيقوم بالواجب وفى قول اخر هيجيب نايتى وببسى والله واعلم
اما الانبا بيشوى فاخر الاخبار انة سيكون عن يمين المسيح فى السما عند محاسبة البشر وهيكون دخول الفردوس بالرقم القومى والاكواد الخاصة بية لان زى مانت عارف احنا ننقسم اما لمشاغبين او كفار او زنادقة او اى شئ مغضوب علية
نيجى للمادة التانية الحقيقة لازم تكون فاهم وغيرك وعلى راس الكل قطاع عريض من الاقباط ان الغائها هو الغاء المزايدة بالدين والتربح من خلالة والموضوع مش اننا لما نشيلها كلنا يبقى كفرنا ولا الناس كانت مش مسلمة قبل ال الالف والياء الشهيرة 0 والاقباط الى حاسيين انها لازم تتشال علشان يقولو انتصرنا يبقو خيبانين
احنا هنمنع مانرتكز علية ولو من باب قولة الحق التى يراد بها باطل وليس الا
ودة لازم يكون بالقناعة والتراضى من الكل
اما عن ممارسة السياسة فانا معك فى كل ماتريد ان نتشارك فية من انشطة
وشكرا لابن بلدى
هالة

المشاركات الشائعة من هذه المدونة