من بومبن تقريبا قريت عن هبة نجيب وهى انسة مصرية عمرها 27 سنة تعيش مع اسرتها فى السعودية -فى الاول كنت مترددة اكتب عنها لاسباب معينة ومش وقتة انى اطرحها
-وفى نفس الوقت هبة مش ساكتة وعملت جروب على الفيس بوك بتطالب فية بعودتها الى مصر- وعرضت ازاى انها فى رعاية كفيلها الى هو والدها وايضا والدها فى ضمان كفبل سعودى !!!
هبة استخدمت كل الطرق لعرض مشكلتها وقدرت تكسب تعاطف الناس فى مصر كلها - لكن امورها مش هتستقيم بتعاطف شعبى فقط -ولابد من تدخل رسمى وخاصة من الجانب السعودى
فى صحفية شاطرة اوى فى المصرى اليوم عملت لقاء معها عبر الانترنت -وفية هبة حكت ازاى انها على خلاف مع والدها الى هو عضو فى جماعة الاخوان المسلمين وازاى انة بيقول لها انتى عاوزة اسلام زى اسلام الشيخ محمد عبدة !!
وكمان حكت انها تعيش حياة عزلة دفعتها للتدوين ومدونتها تسمى منحدرات ولما والد هبة عرف باامر التدوين غضب وبشدة منها
الى هنا ينتهى عرض موجز جدا لموضوع هبة الى بنتمنى انها تجتاز الازمة دى بسلام - ولكن فى شئ فى كلامها مع المصرى اليوم خلانى افتكر عبد الكريم نبيل سليمان على طول -
عبد الكريم ايضا كان لايستطيع ادخال جهاز كمبيوتر لبيت ابية لان دة من اعمال الشيطان فى نظر الوالد !!
وكان يستعمل اجهزة مكتبة الاسكندرية التى كان يتردد عليها بانتظام
عبد الكريم لة اخوة ملتزمين جدا وبتشدد لدرجة انة لا يعرف شكل زوجة اخية !!
عبد الكريم كانت حياتة مهددة فى لحظات كثيرة نظرا لانة مش بيصلى مثلا او فاطر رمضان
وكانت النتيجة النهائية ماوصل الية عبد الكريم من كتابات مشحونة بانكار كل ماهو ثابت والتمرد علية
وبصراحة كدة
انقذو هبة
لاننا مش لازم نعيد اخطائنا تانى
وبدال ماالاصل اننا نقول بشر ولا تنفر
احنا بنقول لاولادنا العكس- وبعد ماحنا الى نقول - نحاسبهم على افكارهم وكتاباتهم

تعليقات

إرسال تعليق

المشاركات الشائعة من هذه المدونة

صورة
اعتقال المدون فتحى فريد على باب كنيسة الزيتون من عشر دقايق اتصل بى فتحى وهو على باب كنيسة العذراء بالزيتون وقال لى مش راضيين يدخلونى وخدو منى الكاميرا فقلت لة مين معاك وقال كان معايا سامح حنين والعيال بتوع الاقباط متحدون وعملو روحهم مش شايفين وخلعو - قلت لة كلم ابونا بطرس يدخلك وبعدها اتصل بى زياد حمدى عيد قال لى فتحى اتاخد امن دولة فكلمت جمال عيد الى قال لى هو لسة متاخدش ودة الامر الى خلانى ارجع ارن على فتحى الى قال لى خدو كارنيهاتى والكاميرا وموقفين جنبى امين شرطة وممنوع اتحرك ومن الجدير بالذكر ان العالم والكنيسة تحتفل اليوم بالزكرى الاربعين لظهور ام النور
قراءة المزيد

صاحب القداسة - هالة المصرى

صورة
هالة المصرى تكتب : صاحب القداسة  ------------------------------ خلى منصب بطريرك الاقباط برحيل مثلث الرحمات البابا شنودة الثالث البابا المائة والسابع عشر من بطاركة الاسكندرية وذلك بعد عام واحد فقط وثلاث اشهر من ثورة الشعب المصرى واطاحتة بالنظام السابق وبالدولة القمعية البوليسية التى كانت تقدم لمواطنيها خدمات متميزة جدا من اصناف القهر والخوف ليحرمونا الوطن الواحد ويعطونا عوضا عنة الوطن الاشلاء .. فما كان من المصريين الا ان يواجهو مفترق الطرقات بنهجهم للطريق الديموقراطي فى اختيارالرئيس المصرى الجديد وبان يأخذ الاقباط المنحى الطقسى الكنسى لاختيار البطريرك القادم واللذى سيكون ترتيبة المائة والثامن عشر من بطاركة الكرسى الرسولى المرقسى واللذى محلة الرسمى هو المدينة العظمى الاسكندرية ولان الحق لا يرتضى ابدا بنصف رداء فقد القت الروح الثورية ومناخ الحريات بظلالها على كل مايدور حاليا فى السر والعلن من اتفاقات واختلافات على اليات اختيار البابا الجديد  وقبل ان ننتقل الى الاليات واللوائح الحاكمة لاختيار البابا القادم وماذا يريد الاقباط من قائدهم الروحى الجديد...
قراءة المزيد