من اقوال القبطى افندى


بعد فضيحة زيارة امير التنظيم بالحزب الحاكم المصرى
للنائب المغضوب علية شعبيا الغول
وزلك قبل محاكمة مرتكبى مجزرة نجع حمادى ب 48 ساعة فقط



ياترى مين ساند الكمونى ؟
وياترى مين ساند الغول ؟

************************
عــز قال للغـــول ..!!



تحية خاصة بمناسبة زيارة احمد عز للغول مما اسعد الغول وجعله يستقبل عز بالطبل البلدى والمزمار البلدى واللحم البلدى ولا عزاء لابناء بلدى



عز قال للغول يا غولى

رد الغول وقال انا غول صغير

بس عند قولى

لانى متربى فى عزو

والكرسى من تحتى ماحد يهزه

لا دم

ولاهم

ولا واحد شيطانه يوزه

............................................

عز قال للغول اوعى تفتكر انك فاشل

رد الغول وقال قطعية ماحدش بياكلها

بالساهل

الشتا عدى

والصيف بنقضيه فى الساحل

والشباب مات وراح

وانا مش راحل

............................................

عز قال للغول الناس بيلمونى

على حبك يا نور عيونى

رد الغول وقال خليهم يكلمونى

واللى يفتح بقــه

هابعتله الكمونى ..

............................................

عز قال للغول بالطبل تلاقينى

رد الغول وقال فرحان يا نن عينى

كل نقرة تطلعنى منها

وتعدينى

واسال جورجيت قلينى

............................................

عز قال للغول ما تخافشى

رد الغول وقال القاضى ما يحكمشى

انا قاعد والزمن بيمشى

اصل دى مش بلد

دى حلة محشى

............................................

عز قال للغول ما تزعلشى

رد الغول وقال اللى حصل ما يزعلشى

ستة او سبعة يموتوا وعاوزنا ما نضحكشى

اصل دى مش بلد

ودول مش بنى ادمين

دول اكياس طرشى

............................................

عز قال للغول ما تقلقشى

رد الغول وقال الغول ما يقلقشى

ياما دقت على روس الناس طبولى

ولا حد قالشى

وايه اللى حصل يعنى

هنا بلدى

وهنا نجع حمادى

و هنا كشحى

............................................

عز قال للغول تعال هنا جنبى

رد الغول وقال العفو ياللى

خليت حياتى بمبى

غسلت عارى

وداريت ذنبى

يسيح دم الشعب يا باشا

ولا تنزل نقطة من دمك

او دمى

..

ياسر يوسف غبريال

تعليقات

إرسال تعليق

المشاركات الشائعة من هذه المدونة

صورة
اعتقال المدون فتحى فريد على باب كنيسة الزيتون من عشر دقايق اتصل بى فتحى وهو على باب كنيسة العذراء بالزيتون وقال لى مش راضيين يدخلونى وخدو منى الكاميرا فقلت لة مين معاك وقال كان معايا سامح حنين والعيال بتوع الاقباط متحدون وعملو روحهم مش شايفين وخلعو - قلت لة كلم ابونا بطرس يدخلك وبعدها اتصل بى زياد حمدى عيد قال لى فتحى اتاخد امن دولة فكلمت جمال عيد الى قال لى هو لسة متاخدش ودة الامر الى خلانى ارجع ارن على فتحى الى قال لى خدو كارنيهاتى والكاميرا وموقفين جنبى امين شرطة وممنوع اتحرك ومن الجدير بالذكر ان العالم والكنيسة تحتفل اليوم بالزكرى الاربعين لظهور ام النور
قراءة المزيد

صاحب القداسة - هالة المصرى

صورة
هالة المصرى تكتب : صاحب القداسة  ------------------------------ خلى منصب بطريرك الاقباط برحيل مثلث الرحمات البابا شنودة الثالث البابا المائة والسابع عشر من بطاركة الاسكندرية وذلك بعد عام واحد فقط وثلاث اشهر من ثورة الشعب المصرى واطاحتة بالنظام السابق وبالدولة القمعية البوليسية التى كانت تقدم لمواطنيها خدمات متميزة جدا من اصناف القهر والخوف ليحرمونا الوطن الواحد ويعطونا عوضا عنة الوطن الاشلاء .. فما كان من المصريين الا ان يواجهو مفترق الطرقات بنهجهم للطريق الديموقراطي فى اختيارالرئيس المصرى الجديد وبان يأخذ الاقباط المنحى الطقسى الكنسى لاختيار البطريرك القادم واللذى سيكون ترتيبة المائة والثامن عشر من بطاركة الكرسى الرسولى المرقسى واللذى محلة الرسمى هو المدينة العظمى الاسكندرية ولان الحق لا يرتضى ابدا بنصف رداء فقد القت الروح الثورية ومناخ الحريات بظلالها على كل مايدور حاليا فى السر والعلن من اتفاقات واختلافات على اليات اختيار البابا الجديد  وقبل ان ننتقل الى الاليات واللوائح الحاكمة لاختيار البابا القادم وماذا يريد الاقباط من قائدهم الروحى الجديد...
قراءة المزيد