نمازج لفنون الخشب بحجازة قبلى 


 كنيسة "كدة وكدة " و كنيسة  "دواعى الدواعى "

للاقباط الكاثوليك فى حجازة قبلى

***************

الحدث - احتراق كنيسة مارجرجس للاقباط الكاثوليك

المكان - حجازة قبلى مركز قوص محافظة قنا

الزمن - فجر يوم الاتنين الى فات
7 سبتمبر 2009

اتصل بى الاستاذ / رأفت سمير وكان واضح جدا انة فى قطارو وقال لى على الحريق - وطبعا اول شئ جة فى زهنى هو الاستغراب الشديد والزهول .. لانة ازاى كنيسة الكاثوليك ولعت وانا عارفة كويس ان الكنيسة بتاعة الكاثوليك بالرغم من انها واخدة كل التصاريح الا ان اعمال البناء فيها موقوفة   نظرا " لدواعى الواعى "

ومحدش طبعا يسالنى اية هى" دواعى الدواعى" لانى اصلا مش عارفة الدواعى الاولى علشان اعرف الدواعى التانية
***

وعدم وجود الكنيسة دة شئ انا عارفاة كويس  لان لما حصلت حادثة القتل الشهيرة ليلة عيد القيامة 2009 راح ضحيتها هدرا الاثوذكسى وامير الكاثوليكى ووقتها وفى ليلة العيد صلى الكاثوليك على ابنهم فى فناء مدرسة الكاثوليك .. وكلنا كتبنا نناشد باتمام بناء الكنيسة الموقوفة حتى لايتكرر موقف الصلاة على الموتى فى الشارع ولكن لاحياة لمن تنادى
************

ولما اتصلو الشباب من حجازة عرفت ان الكنيسة الى ولعت هى كنيسة" كدة وكدة " كالعادة بمعنى انها مبنى خدمات وبتقام فية الصلوات نظرا لعدم وجود دور عبادة وفى اليوم الاحد اتفق الناس على عمل القداس بعد الظهر وخاصة فى غياب راعيهم المقيم دائما ابونا" ميخائيل ثابت "وجة قسيس منتدب علشان يعمل القداس .. صلو القداس ولكن لقو الكنيسة بتولع على اخر اليل .. اتصلو بالاسقف الى هم تابعين لة وهو اسقف طيبة للاقباط الكاثوليك الانبا " يؤانس زكريا " والى لسانى ادلدل وريقى نشف وانا بقول ارحمو الناس منة وانقلوة يخدم انشالله فى تورا بورا واهو برضو الناس هناك محتاجة راعى حكيم من نوعة .. ولكن ولا اى حد فى رئاسات الكنيسة الكاثوليكة فى مصر مقدر حجم الخسارة الى بيخسروها بوجود هذا الاسقف فى مكانة الى هو طيبة اى الاقصر .. فقام سيدنا او مولانا مش هتفرق بعت القس الى عمل القداس اى المنتدب الى وصل المكان وقابل مدير الامن الحالى واتفقت النوايا الحسنة بينهما لما قال القس انة نسى الشورية مولعة !!!!!!!!!!!!!!!!!!!!!--- والعهدة على الراوى من اهل البلد طبعا .. وبعدها طبعا الناس بقت تغلى لاكثر من سبب منها انة ماسبش باب لفتح تحقيقات وامعرفة حقيقة ومنها لان الشمامسة فى حجازة بيقيمو الصلوات دوريا واذا كان القس المنتدب جديد على الخدمة هم بقى مش جداد --- ولحد هنا ورغم ان الى يعرف ظروف حجازة قبلى يعرف ان هذا الحادث وقع فى مكان تميز بالتوتر لسنوات .. لكن برضو منسبقش ولا نقفز ونستنج امور خيالية وخلينا لحد هنا نتكلم عن ناس فقدو حتى المكان الى " كدة وكدة " الى كانو بيصلو فية

والغريب والمدهش ان كاثوليك حجازة كلهم تقريبا فنانيين واتعلمو فنون نحت الخشب على ايدى رهبان اخوة يسوع الصغار وهما فرنسيان هما الاب بطرس سيون والاب فرانسوا جيو ولهم اعمال وفنون بديعة تشرف مصر كلها حول العالم كما انهم يشتركون باستمرار فى المعارض داخل مصر الا انهم اغلبهم يتراجع عن المشاركة فى المعارض الخارجية نظرا لارتفاع التكاليف .. وفى حاجات مش وقتة انى اتكلم عنها حاليا بالتفصيل .. وبعد الحريق بكم يوم استدعت مباحث امن الدولة فى قنا عدد محدود من الافراد منهم ناظر مدرسة الاقباط الكاثوليك بحجازة وبعدها على طول عرفت ان الصلوات بتتلغى بالتدريج !!!!!!!!!!!!!!!!!!!!

الكلام دة كان من كم يوم بعدها ماتابعتش لانى انشغلت كالعادة

روابط ذات صلة


خبر الحريق ومتابعة الكنيسة المووقوف بنائها


http://freecopts.net/arabic/2009-06-28-16-57-25/42-rokstories/6088-2010-09-06-15-03-55

كرسى فى الكلوب

http://halaelmasry2.blogspot.com/2009/09/blog-post_13.html

تجميع لاحداث حجازة الثأرية والتهجير

والحكم بالمؤبد على قتلة امير وهدرا

http://halaelmasry2.blogspot.com/2010/03/blog-post_2408.html

اقباط حجازة يصلون فى العراء

http://www.youm7.com/News.asp?NewsID=277080

مدير الامن لايعترف بالكنيسة الى كدة وكدة

!!!!!!!!!!!!!!!!!!!!!!!!!!!

http://dostor.org/politics/egypt/10/september/9/28100

1500 نسمة يصلون فى العراء لمدة ساعتين ونصف

ااااااااااااااااشطات

http://www.alwafd.org/details.aspx?nid=67522

نمازج من فن الخشب




http://www.facebook.com/album.php?aid=91097&id=81824271909