فرشوط رسالتى لكل صاحب
ضمير


وقفة احتجاجية




كتب : رامى كامل

ماذا اكتب


عاجز انا عن الكتابة


عقلى يرفض ما يحدث


تجربة اليمة بكل معنى الكلمة


ولد متهم بانه اغتصب طفلة والامن مسكه وبيحقق معاه


القانون بياخد مجراه وده الطبيعى لاننا فى دولة لو تقرير الطب الشرعى قال ان الولد مذنب لازم الولد يتعاقب


الغير مبرر والغير انسانى والغير منطقى ان مسلمين البلد يخرجوا على كل اقباط البلد ويحرقولهم بيوتهم ويعتدوا على السالمين الامنين اللى مغلطوش


الحجة ان كلهم اقباط


طيب ما كلكم مسلمين هل كلكم اسامة بن لادن؟


هل كلكم الظواهرى؟


لو وجدنا فيكم زانى هل كلكم زناة؟


بيوت ناس ولعت محلات ناس خربت اموال ناس ضاعت


وفالاخر تم تهجير الاقباط من قريتهم


امتى هتهجرونا من مصر؟


انا بوجه كلامى لكل اخ وصديق مسلم قبل مسيحى


انا بدعوكم كلكم بلا استثناء لاننا ناخد تحرك ايجابى ضد اللى بيحصل


تعالوا نقدم شكوى للنائب العام نطلب منه انه يحقق فى الموضوع بنفسه ونعمل وقفة احتجاجية قدامه نعبر فيها عن اعتراضنا على اللى بيحصل فى فرشوط


لو بجد لسه اخوة


لو بجد لسه مصريين


لو بجد لسه نسيج واحد


مش طالب الا مساندة فى ان القانون ياخد مجراه

تعليقات

المشاركات الشائعة من هذه المدونة