هانى نظير عزيز كارز الحب
مدون قبطى اخر فى صعيد مصر يتعرض لمحاولات احتكاك هو وعائلتة ومنزلة-قرية العيلة مركز ابوتشت - نجع حمادى - قنا
فرار المدون والكاتب من منزلة والشرطة تستدعى اخوية مهنى واسعد
قعدة فى المندرة بين ابونا متى راعى الكنيسة بابو تشت وبين كبارات البلد من المسلمين وظباط المباحث
هتافات تطالب بالقصاص من هانى !!!
ومحاولة الصاق بعض ماتنشرة المواقع القبطية لهانى بل وتمادى الامر الى اعتقاد البعض ان هانى المدون البسيط يمتلك مواقع نشرت رواية تيس عزازيل فى مكة
هانى يعمل اخصائى اجتماعى
ودى تانى مرة يضطر فيها للهرب من بيتة لانة فى المرة الاولى هرب لما رفض ان يتم استبدال النشيد الوطنى فى المدرسة بالفاتحة وايضا استبدلت المدرسة كلمة مصر السلام وجعلتها مصر اسلام !!
احتج هانى وكان الثمن غضب اولياء الامور ومحاولة القصاص منة
وبتمر الايام وللمرة التانى يسيب البيت
وطبعا كالعادة بدال مانفهم ناسنا البسطاء الغلط والصح والفرق بين ازدراء الدين وازداراء وقائع مريرة او بمعنى ادق انتقاد واقع مر -- لا الحل الاسهل والامثل اننا ناخدهم على اد عقلهم لانهم عبط واحنا مش دريانيين
سيبو هانى فى حالة
ولو فى ملاحظات على كتاباتة يتم محاسبتة بطريقة قانونية
ولكن العملية حقد وتهييج على الفاضى والمليان
واحيانا بيقوم بيها صحفيين بتوع جرايد ورقية مش عارفين يملو مكانهم وبيقولو على نشطاء الانترنت انهم مرضى !!
ياسبحان الله ياجورنالجى منك لة درجة عشرين
قوم يابنى شوف لك موضوع بجد واكتب عنة بدال ماتساهم فى شحن الناس ضد واحد زى هانى علشان تفضل بسلامتك الاستاذ الاوحد قال يعنى الزعيم الاوحد
بلا وكسة - بلا وجع قلب
مرضتونا وجبتونا ورا بدال ماتكونو اداة تنوير فى المجتمع
وان فتحنا ملف قبلكم نبقى بنقلب الدنيا - وان انتقدنا حد يهمكم رضاة يزقكم علينا - وانا نشرنا خير للناس نبقى ضيعنا عليكم بزنسة
هالله هالله على الجد والجد هالله هالله علية
هانى غلطان ؟ ماشى - يجى استدعاء نيابة زى اى حد محترم ويتناقش فى افكارة وكتاباتة
هانى مش غلطان ؟ يبقى اية لزومة شعللة البلد فى يوم عيد ؟
وعلى فكرة السيد النائب العام حول بلاغى فى جريدة الاسبوع لنيابة جنوب والتحقيقات هتبتدى بعد العيد - ولما نشوف انا بتلقى اموال من مين ؟ وازاى ؟ وزى ماقال الصحفى وقتها انا ست لعوب !!!
ال لعوب ال - هئ هئ هئ مئ مئ مئ
مش موضوعنا انا دلوقت - خلينا فى ابو تشت ولمة المندرة الى على الله تنتهى على خيرررررررر
ويااهل ابو تشت اتحدو مسلمين ومسيحيين ضد الى بيحاول يوقعكم مع بعض ودورو علية كويس هتلاقوة حد صاحب مصلحة - وانتبهو لمحاولات الفتن لان مش هانى لة مصلحة فى اشعال فتنة
دورو وبس مش هاقول اكتر
تعليقات
اية الشتايم دى كلها
وانا مش هشتمك بنبيك ولا حتى برب كفرك
لانى معرفش انت اية والحيوان التانى اية
والحقيقة للاسف انا مش من بتوع ربنا يسامحك انا من بتوع ملعون ابو الى جابو ابوك ياهايف