صاحب القداسة - هالة المصرى

محاولة انتزاع اراضىفى المراشدة بمحافظة قنا
جانى الاميل الى هعرضة دة وكمان حصل انى قابلت مزارعين واحب اعرف من سعادة المسؤلين رعاة انتزاع الارض - اية رايكم لو المزارعين دول اتشردو والملاك خسرو كل الى صرفوة ولقينا من وسطهم بيطلع لنا ارهابيين زى من عشرين سنة فاتو
ياترى اخرة الجوع والجبروت وتشريد الناس هيكون اية ؟



السيد الفاضله / هاله المصرى
سبق وان تحدثنا تليفونيا بخصوص مشكلة ارض المراشدة بقنا
انا واكثر من 500 اسرة نقع تحت ظلم وقهر شديد واحساس بالضياع وعدم الامان ببلادنا اراضينا تنزع منا بالقوة الجبرية لاعطائها للاجنبى نريد ان نعيش فى سلام فى هذه البلاد ولكنهم لا يريدون
كتبنا فى جميع الجرائد اضربنا عن الطعام فى المستشفى وكان الرد بالحرف الواحد اخبطوا راسكو فى الحيط انتو حتطلعوا من الارض غصب عن عين اللى خلفوكوا
هذه الارض زرعناها وانفقنا كل ما نملك واصبح بها محاصيل استراتيجية هامة جدا ومهظمها يزرع قمحا وخضروات .وطلبنا مرارا وتكرارا تقنين اوضاعنا ولن الحكومة ترفض
هناك الاف الافدنة لم يتم زراعتها حتى الان ولا يعجب الشركة اليابانية الا هذه الارض المستصلحة التى زرعناها
نقدر رؤوس الاموال التى دفعناها فى تلك الاراضى اكثر من 50 مليون جنيه وفى صباح كل يوم نستصلح مساحه اخرى ولكن اصحاب المنفعه الدنيئة لا يهمهم الا العموله التى وراء بيع تلك الاراضى
عرضنا نفس الاسعار التى سيشترى بها الاجنبى لكن يظهر ان الاجنبى فلوسه طاهره واحنا فلوسنا حرام
اصرار غريب على تلك البقعه من الارض لا نعلم لماذا
علمنا بدوركم الفعال فى مشكلة المزارعين بارض الجامعه فى قنا
نستغيث بالله ثم بكم ساعدونا احمونا من التشرد وضياعنا اموالنا ومجهودنا هباءا منثورا
مرفق لسيادتكم صورة من شكوانا التى تقدمنا بها الى معظم الجهات الحكومية
ومرفق ايضا صور المضربين عن فى المستشفى
وصور لقطعة ارض واحدة فقط من مئات القطع التى تم استصلاحها
احمد القطان
0164000823
اما السيد رئيس لجنة الزراعة بمجلس الشعب فياريت نعرف منة اية موضوع تاثر علاقتنا الدبلوماسية باليابان من جراء عدم تسليم قطعة الارض دى تحديدا ورفض استبدالها بمساحة مماثلة مجاورة

وياسلام لو كمان عرفنا معلومات عن الشركة اليابانية واياديها البيضاء على اقتصاد مصر واليابان والعلاقات والتمثيل والخ الخ

هو انا مش كفاية ساكتة عن النهب الى فى وادى كوم امبو

بقى معقول ياخلق ان تتعمل ترعة علشان تساعد فى رى الارض والناس توفر فى الابار والترعة تبقى مشروع ومقاولات ومستخلصات وكمان مساكن للعاملين بالمشروع وفى الاخر كلة بخ

ولا مية جريت فى الترعة ولا ناس روت والابار لسة بتتكلف حوالى 120000 للبير الواحد وكمان المساكن بتاعة المشروع بقت اطلال قبل ماتتسكن لدرجة ان الشبابيك بتاعتها وكماليات التشطيب اتسرقت

وخط المراشدة دة بالزات كل مامشى فية اسمع عجب -

حسبنا الله ونعم الوكيل