الأربعاء، يونيو 13، 2007


الاخ عادل مرحش ينتخب ياحرام
الاخ عادل مسؤل القييد الانتخابى بكنيسة الدخيلة الى كانو بيقولو امبارح ان فى ناس حدفوها بالطوب -هو شاب ظريف لطيف امور - عادل من ضمن مهامة العديدة جدا عملية القيد الانتخابى للاقباط فى الجداول
اتصلت انا بعدولة علشان اسالة عن الحادث فانكر ان فى حادث وانكر ان فى كنيسة اصلا وكان قرب يقول انا مش تبعهم
قلت لة ياعدولة اية الى بتعملة دة احنا عارفين ان الاجهزة والمطافى وعربيات الرش جات بسرعة بس قول اية الى حصل
تصدقو الاخ المختص بالقيد الانتخابى قال لى اية ؟ قال لى اسالى ابونا لان ابونا بيفهم اكتر مننا
قلت لة تانىىىىىىىىىىىىىى ياعادل نغمة ابونا وسيدنا بيفهمو اكتر هو انت مش فيك عقل ياابنى وهو فية عقل ؟ قال لى اة - قلت لة امال الموضوع اية هو لما بيدلى بتصريحات عن حادث بسيط او مش بسيط بيكون مكلف برسالة سماوية ولا الراجل بيستعرض احداث وبعدها بيوضح انها كانت بسيطة مثلا والامن تدخل بسرعة
سكت عدولة زى الطفل الخايب
وقلت لة اجى لك ازاى ياعدولة هل اركب الهليكوبتر من ساحة الانتظار زى القس اسحق هلال
فقال لى وبراءة الاطفال فى مخارج حروفة لالالالالا اركبى تاكسى او ميكروباص
فقلت لة اشطة ياواصل
من الاخر غيرت الكلام وقلت لة الا قول لى هل انت رحت انتخبت ؟ قال لا
قلت لة لية هى الكنيسة معدتش مهتمة

قال لا طبعا ازاى دى مهتمة ونص وانا الى بطلع البطاقات للناس
قلت بس ياحلو يابتاع البطاقات مخدتش لية المقيدين ووديتهم اللجنة ؟
قال اصل كان عندى رحلة
قلت لة كنت فى رحلة ولا عملتو رحلة اليوم دة علشان محدش يروح
ووقعت ياحلو بلسانك
ومع كدة ياعدولة
انا بالنيابة عنك بشكر الامن بكل مراتبة يوووووووووووة اقصد رتبة
وبعترف لهم بسرعة التدخل وتوزيع اربعين عربة فى الشوارع المحيطة خلال نص ساعة
اشطة كدة ياعادل ؟
إرسال تعليق