دخلت على تويتر اشوف اخر المستجدات طازة اخر حاجة فى موضوع النشطاء الخواجات الى جاين يعارضو حكوماتهم فى مصر ودة امر هاكتب عنة تفصيلا لما تزول عنى غمة سد النفس الى انا فيها
لقيت خبر عن محافظ قنا ومنطقة صناعية فى هو واشياء اخرى
ولما هو راجل شادد حيلة كدة والانجازات على ودنة
عاوزة اعرف لية موضوع استلامى العمل وتنفيذ حكم المحكمة ماخلصش ؟؟
ولية بتوع الشئون القانونية بيقولو لى ادينا فرصة للعرض ؟؟
فرصة للعرض !! ياخبر اسود
عرض ولا طول
دة انا واخدة الحكم لى سنة ياناس
خلصونى يااما هارجع شغلى او مش هارجع
عموما اطمنو مش هارجع واقعد
هاكون ضيفة خفيف خفيف واريحكم منى
ملحوظة الحديث وخبر "هو" الى عاملاة هند موضوع على تويتر ضمن اخبار اليوم السابع السريعة
وانا بسلامتى قلت ازف بشرى لاهالى قنا الكرام وحطيتة كمان على الفيس بوك -توك هوك- موك
يمكن فى ناس غلابة تفرح بالخبر وتلاقى فية منفعة
يمكن
الله اعلم
*******************************
اة رجعت قريت الخبر تانى والحقيقة فية كزا نقطة للنقاش
بس لما اروق كدة ابقى اتناقش
يارب ماروقش وافضل ساكتة كدة كتير
بس ازاى ى ى ى
يموت الزمار و --------

تعليقات

المشاركات الشائعة من هذه المدونة