الأحد، يناير 03، 2010




الاستاذ محمود الزهيرى المحامى
كتب حاجة كدة وارسلها منشورة على موقع ادبى فى الفجر
واليكم الانتاج


المجنون











يتساءل مني العقل الحائر


مثلي


تتساءل حيرتي


أأنا عاقل


أغرق ....


وأراني أسبح


في بحار الوهم


تتلاطم الأفكار علي وجهي


ملامحي


كل الأمواج


تتكسرني الأفكار


تتحطم


علي صخر الواقع


عقلي رافض


أن يرضي


أو يسخط عني


الآخر


ذاتي تقبل مني العتمة


وعقلي يناهضني


ويأباني


يرفضني


يعاندني


تتماس كل خطوط جنوني


ذاتي تتستر كل الأفكار


وعقلي المجنون


السافر


في عٌري الأفكار


صارخ


با لسر


المجهول المعني


فاضحني


ويشع شعاعاً


علي ألوان الذات


فتكشفني


وتفضحني


وتهرب كل الألوان من


من ذاتي


إلا اللون الأسود


يصاحبني


لرحاب العقل المجنون


الباحث عن ذاتي


في ركام غباوات الأشياء


والناس


يصادق بالتأويل الأحجار


يتلاءم التأويل مع فلسفة الأشجار


وأبث في النباتات سراً


ويبحث في السر


عن كل نبات


ويهرع من غباوات الإنسان


والأشياء


يندس خلال المعني


ويتساءل عني


وأخبيء السؤال


في الرؤيا


يخبئني


داخل سفر التأويل


مسافر أنا في لفافات المفاهيم


باحثاًعن لحظة أزلية


تؤول إلي قلبي


التفسير الباذخ للمعني


بلا رؤية


أحث العقل المجنون


الباحث


عن اللحظات


الأبدية


لحظة خلد


تفسر صيروة


أزل


توؤل سيرورة


أبد


أبحث عن قلبي


الضائع


أبحث عن حبي


الرائع


أبحث عن عقلي المجنون


مثلي


ترمقني الأشياء


تأولني ... معني باذخاً


والعقل المجنون


يرمقني


يراني في مرآة


الذات


مجنون






محمود الزهيري



والحقيقة العنوان شدنى جدا فقلت لة وانا مش هسكت هطلع لك القديم
والى كتبتة من سنتين تقريبا بعنوان

كفارة






الخميس، يناير 17، 2008






كفارة


اليوم اتصل بى صديق بعد الظهر وقال


ازيك ياهالة وازى ولادك


فقلت نشكر ربنا يادكتور


وقال كمان


محمود اتقبض علية فى المظاهرة -ولانى عارفة قصدة مين فهمت ان المقصود صديقنا المشترك


الاستاذ محمود الزهيرى المحامى والكاتب


بس الحقيقة استغربت


مظاهرة اية ؟؟


وعرفت من صديقى انها مظاهرة احياء لزكرى تمرد بطن الشعب ثم رجلية ثم ادية ثم حنجرتة ايام 18 و19 يناير


الى سماها السادات انتفاضة الحرامية


وطبعا السادات الله يرحمة ابو المفردات العجيبة


وصاحب قصة الحرب والسلام واوعو تصدقو انها تبع الاخ تولستوى


وكمان امير الارهاب فى الوجهين القبلى والبحرى وبكدة يكون وضع تاج الجماعة الاسلامية فى تاج جماعة الجهاد ولبسهم على راسة فشر مينا موحد مصر وازربيجان


بس الحقيقة قعدت افكر وافكر وافكر


مالذى دفع بمحمود انة يخرج فى مظاهرة الخبز والكركدية


وانا بفكر


رن الموبيل


ترن --2 ترن - 3 ترن


وبصيت فى موبيلى واندهشت- اية دة محمود بيرن !!! ياسلام خرج بسرعة


دهب - ياقوت -- المونيوم


احمدك يارب


وسارعت طبعا بانى بادرتة بكلمة كفارة يااستاذ


فقال لا لسة 000


هاخرج بكرة غالبا -- انا بس بشجعك


hhhhhhhhhhhhhhhhhhhhhh


ضحكت طبعا ومن قلبى


لانى طبعا طبعا هامشى فى مظاهرة هينظمها بروجوزايين متعفنيين متقردحين حافيين زى حالاتى


نشكر فيها ونسبح ونفضل نسبح ونسبح كل من ساعدنا على تلك النقلة المدهشة فى حياتنا


المهم -- وانا بكتب السطور دى قلت لصديق على الخبر وهو الاستاذ محب عبود والى بسرعة قال لى


ماهو خرج-, وادانىمحب اسامى الاولاد الى هيتعرضو على نيابة السيدة زينب وهم


1- عبد النبي حامد 2-محمد عادل 3-محمد العجمي4- صفاء المويلحي 5-عمرو يوسف6-فتحي الحفناوي 7-بيتر الفريد 8-اسامة كامل 9- عمر سعيد


وتهمهم هى


التهم الأمنية الموجهه اليهم هي الأشتراك في تعطيل وساائل النقل البرية و تعطيل المواصلات وأثارة الفتن و الشائعات التي من شانها تكدير السلم و الأمن العام


بس كدة -- بسيطة


فطبعا كدة فهمت ان الاستاذ محمود خرج واتصلت بية وقلت كفاررررررررررة المرة دى بقى


ورد بالضحكة المعتادة -- انتقلت من خانة المتهمين الى خانة المحامين لندافع عن الشباب


وطبعا لان يموت الزمار وايدة بتلعب


لقيت نفسى بوصية وانا هاموت من الضحك على المتهم بيتر


معلش ياجماعة - بحكم التخصص


hhhhhhhhhhhhhhhhhhhh


ال بيتر ال -- بقى التهم تفطس وانا بوصى على بيتر


وبعدين لفت نظرى اسم صفاء فقلت وكمان صفاء دى بنت جدعة شكلها


وللاسف صفاء طلعت واد جدع مش بنت جدعة


ويظهر ان كل معارفى متضامنين مع الجعانين بكافة الوسائل


وتضامنهم يبتدى من المشى فى مظاهرات الى الاعتقال والسجن


او اقدراقول انهم دايما متضامنين مع كل صاحب حق وفى سبيل كدة


مابيبخلوش باى مجهود ولا حتى بحريتهم


ولما فتحت اميلى لقيت التالى


مظاهرة الخبز


تدعو الحركة المصرية من أجل التغيير , كفاية ,


كل شرفاء الوطن للمشاركة في مظاهرة الخبز يوم 17 يناير 2007 الساعة 3 نهاراً


بميدان السيدة زينب , وهذه المظاهرة ضد الغلاء وزيادة الأسعار , ورفع الدعم


فالمظاهرة والتعبير عن الرأي هي الحياة !!


ورغم تحفظى الشديد على حركة كفاية لانى من انصار واتباع ومشايعى حركة كماااااااااان


الا ان قلوبنا ودعواتنا مع كل محتاج وجائع ومش بس دعوات وقلوب


لا -- لانة مكتوب كنت جعانا فاطعمتمونى


كنت مريضا فداويتمونى


كنت سجينا فزرتمونى


كنت عريانا فكسيتمونى


فقالو لة يارب متى رايناك جائعا - مريضا - - سجينا - عريانا


فاجاب السيد - لان كل ماتفعلونة باحد اخوتى الاصاغر بى تفعلون


نتكلم جد بقى


هل ممكن حكومتنا الرشيدة تطعم جوعانا الى مش محتاجين لامظاهرة ولا تضامن ولا مستنيين حسنة


اكيد ممكن


ولازم يقدرو والا


هيعملو اية لما يفتكرو لان كل ماتفعلونة باحد اخوتى الاصاغر بى تفعلون






إرسال تعليق