بياع الخواتم
المتسيط
الخواجة جورج جالوى الشهير" بعزو الانجليزى"
لى كم يوم عمالة اقرا واسمع واقلب مواقع وقنوات واكلم ناس عن قافلة الشريان التاجى اياها ونازلة احاسب نفسى واقف قدام المراية وابص فى عنيى - ياترى انا شريرة ؟؟ ولية مش حاسة بتعاطف لا مع النشطاء السناكيح الاجانب ولا مع القافلة وحاسة اان فى حاجة غلط ؟؟ وخصوصا خصوصا بعد ظهور معارضين معروفين ونزولهم لشوارع القاهرة وهم بيتضامنو مع السناكيح وبيملوهم الكلام والشعارات الى يقولوها فشر لو كانت مظاهرة من مظاهرات كفاية
وبرضو علشان مابقاش كزابة - بسال روحى كتير واقول هل من حقى انى اغضب على حماس المعروفة بحركة كندرة ( جزمة يعنى ) فيبقى النتيجة انى اؤيد احكام الحصار على غزة ؟؟ هل من حقى وحقكم اننا نسد الانفاق الى من وراها ناس كتير بقو مليونيرات وفى ناس كدة بسم الله ماشاء الله بتتكلم فى الازاعات الدولية وتعرف نفسها بانها ( صاحب نفق ) زى واحد سمعتة قال ان اسمة ابو سفيان ومهنتة صاحب نفق !!!عموما هو راجل مش كزاب وكم من الجرائم ترتكب باسم والحرية والانسانيىة والى مايعرفش يقول نضال - وعمنا ابو سفيان دة سالوة وقالو لة هل الجدار العازل هيحول دون عمليات التهريب ؟ فقال بكل ثقة : لاء طبعا! وشرح ان الجدار عمقة كزا وهم هيبتدو بقى يحفرو على عمق ابعد وبس خلاص !!! الحقيقة كلامة مزهل بس من الواضح ان السبوبة مربحة لدرجة الاستماتة --
عموما انا باؤيد الجدار وياريتة كان من زمان وعندى اسبابى
تعليقات