استبحس
جرنال الخميس نشر تحقيق عن المدونات القبطية ودى اول مرة اشوف فيها تقسيم للمدونات على اساس الدين
بس الملفت ان التحقيق غير شامل لانهم مش قادرين يوصلو للمدونات القبطية بطريقة كاملة ومن الواضح ان الموضوع معمول بنية التحامل بدليل المانشيت الى كان
مدونات الاقباط ترفع شعار الضرب تحت الحزام فى مواجهة المسلمين
ولا تعليق طبعا
اتعودت انا بصفة شخصية انى مردش على حد ولكن لازم ارد على كم نقطة من الى اتكتب منها انهم بيسالو عن ازاى مدونتى مفتوحة رغم ان فى قرار بغلقها ؟ وطبعا الكلام بيبين الاستبحس
وكمان قالو انى نشرت عرض لاحتفالات الغطاس من ايبارشية الجليل وازاى اعمل كدة والبابا رافض التطبيع !!! وبرضو دة من ضمن اعراض الاستبحس 00 والرد بكل بساطة ان اناا تحديدا مقدرش اطبع ومش لان البابا قال ولا امراو نهى ولكن لانى مقدرش ازور الاراضى المقدسة فعليا مجاملة لمشاعر الرفاق الفلسطينيين الى مقتنعين بمطالبنا والى بيشوفوها اكثر صدقا فى العرض من خلالى
وبس يافكيك
كمان الى بيكتبو طلو على البروفيل وشافو ان افضل كتبى هو كتاب العار لتسليمة نصرين اديبة بنجلاديش والى بفعل اتوجة لها اتهامات وسابت بلدها ولكن مقدروش يعرفوا ولا يقولو ان رواية العار اخترتها تحديدا لانها كتبت عن احداث عنف طائفى رصدتها الكاتبة وانا شخصيا لما قريت الرواية لقيت ان الهستريا المصاحبة للاحداث الطائفية واحدة حتى لو اختلفت الاماكن
وبرضو ادوها نظرة على المواقع المفضلة الى على مدونتى فلفت نظرهم موقع عمرو خالد وموقع الجماعة الاسلامية 00 وقالو ال اية انى بغازال الشباب المسلم !! والاعتراف منى صريح طبعااااااااااااااا نعم احاول جزبهم وهم من اولويات القراء عندى
خلاويص