صاحب القداسة - هالة المصرى

مقلب على افتر ايت
كنت قاعدة مع جروب فى افتر ايت وبنتكلم فى كزا موضوع لما جات صحفية شابة وسلمت على بعض الشباب الى كانو معايا ونكشتهم فى كم قضية انا شفت انها محتاجة تسمع فيهم اكتر من المعلومات الى عندها والى باين من كلامها انها معلومات سطحية تماما - المهم هى لابسة زى اسلامى مميز يدل على التزام وكل مااقول لها اتفضلى اقعدى -- تقول لى لا معلش والنبى اصل انا ووليد ورانا معرفش اية !! ولكن الكلام شاددها ولا هى قادرة تمشى ولا وليد برضو بيمشى - وفى الاخر تمجلست الاخت - وعرفت منها انها جرنالجية فى جرنال معرفش اية -- لان الجرايد فى القاهرة كتيرررررر ومالهاش عدد ولايمكن الواحد يحفظ كل دول - ولكن سالت البنوتة وقلت لها انتى بتعملى موضوع عن اية ؟ فقالت عن المواقع المسيحيية الى بتسب الرسول !! قلت لها حلو جدا --- وسالتها وتعرفى كم موقع اسلامى بيزدرو المسيحية وطبعا تطوعت وقلت لها بعض الاسامى من باب الجهاد يعنى -- فالانسة قالت نعم عاملة الموضوعين الى بيسبو من هنا والى بيسبو من هنا -- وهنا فقط ارتحت طبعا
وبعد كلام كتير بينى وبينها وبين الاخ وليد سالتنى انتى مين ؟ فقلت لها لاانا حد مش مهم ولكن يسعدنى انى اساعدك دايما وبالفعل من الواضح ان البنوتة وثقت فى العرض لانة فى عصر نفس اليوم اعطانى فتحى فريد موبيلة وقال لى -- كلمى فلانة --- فقلت تطلع مين فلانة ؟ وقال لى بتاعة الصبح -- وهنا افتكرت
الو مساء الخير ياستاذة هالة
مساء النور ياجمل صحفية
ممكن الاقى مع حضرتك نمر لرجال الدين المسيحى الى هديكى اساميهم لان النمر الى معايا طلعت كلها غلط
تحت امرك يابنوتة قولى مين وانا اديكى النمرة
انا عاوزة الانبا موسى وابونا صليب متى ساويرس وابونا عبد المسيح بسيط
قلت لها اوى اوى ولكن بلاش ابونا صليب لانة حد حكومى جدا
معلش يامدام اهو راجل دين لة اسم وانا عاوزة اعمل الموضوع الى حكيت لك عنة ولازم اخد راى رجال دين مسيحى
حاضر من عنيى عموما لحظة اطلع لك الارقام
وهنااااااااااااااااااااااااااااااااااااااااااااا تدخل فى الحوار ثلاثة من شباب الصحفيين كانو سامعين المكالمة وكل واحد منهم عمل روحة بيساعدنى وبيدينى رقم الانبا موسى والقسس
وانا طبعا بكل حسن نية اديتها الارقام وقلت ياسلامممممم مصر بخير واهو الشباب بيساعدو بعض واخر جدعنة
شكرا يااستاذة
باى حبيبتى
وهناااااااااااااااااااااااااااااا انفجر الثلاثة من الضحك ال اية كل واحد ملانى نمرتة وانا مليتها ومش مدركة بيعملو اية وهى كمان بتكتب عادى
والحقيقة خجلت جدا ومش عارفة اجيب تليفون البنت منين علشان اديها الارقام المظبوطة وكمان فتحى الى عارف نمرتها مش لقيتة
وتانى يوم جايين الثلاثة واقعين من الضحك لانها المسكينة كلمتهم واحد عمل الانبا موسى والتانى ابونا فلان والثالث ابونا علان
قعدت مش عارفة اعمل اية فاتصلت بقس من الى طلبت اسمهم وحكيت لة والراجل طمنى وقال لى لا ماتقلقيش هى عرفت توصل لى وكلمتنى ---- والجدعنة ومصر بخير طلعت نكتة كبيرررررررررررة
وما الدنيا الا مرسح كبير على راى مولانا يوسف بك وهبى