زياد حمدى عيدصاحب مدونة المحتج الى عاوزة منة اهتمام كتير اوى اوى علشان نشوف حمدى عيد التانى لو قدر
وابن الكاتب المسرحى والغنائى والفنان حمدى عيد
بمجرد ماتدخل بيت زياد وتقعد مع الفنان المناضل والدة والمثقفة الجميلة والدتة تحس انك قاعد فى مكان لدراسة التاريخ المعاصر جدا
واول شئ تشوفة فى بيتهم هو مكتبة والدة الضخمة الى كنت عاوزة اسرقها كلها ولا اخلى ولا كتاب لانى طماعة الحقيقة
وكمان التتار الى كانو معايا برضو فكرو بنفس طريقتى فى التفكير وبالفعل تصفحنا بعض الكتب ولما لاحظ حمدى عيد دة ضحك جدا وقال لنا نويتو ؟ فقلنا لة بصراحة نوينا نسرقك فرد وهو بيضحك وقال خدو الى عاوزينة والكراتين من عندى
اول شئ سهل للاذهان علشان نعرف مين والد زياد هو غنوتة الشهيرة جدا للاطفال (فى البحر سمكة بتزق سمكة )
ولما الراجل دة بيبتدى يتكلم عن المسرح والفن والطفل بشكل خاص الى هو متخصص فى عمل مسرحيات واغانى لة قال
احنا بنغتال الطفولة لما بنعتقد اننا لازم نخاطب طفل هذا الزمان بما يتماشى مع مايرى من صخب حولة وايقاع عالى
وبنغلط اكبر غلطة لما نعتقد ان دورنا مع الطفل هو فقط لايصال المعلومة او الهدف
لان اولويات العمل مع الطفل هى تلات
ادخال البهجة
اثارة الخيال
توصيل الهدف او القيمة او السلوك المطلوب
وبعدها حكى مقتطفات شيقة من سجنة الى اتكرر ومن اضرابة عن الطعام وازاى الاقباط الى كانو فى التحفظ كانو بيحاولو يدوة اكل ولكن هو كان بيفهمهم انة عامل اضراب ومش لازم ياكل وشكرا لهم -- وحكى عن التعذيب الى اتعرض لة ومافيش داعى انا انى احكى كمان
بعد القعدة الظريفة جدا دى كنت هاغلط غلطة مايغلطهاش الا قبطى وهى انى كنت هاقول لة ماتيجى تعلم ولادنا فنون المسرح !!!!
ولكن افتكرت اننا احنا الى لازم نخرج للمسرح مش هو الى يدخل لنا جوا السور
تعليقات