هويات ممنوعة

http://hrw.org/reports/2007/egypt1107/

فى مكتب المبادرة المصرية للحقوق الشخصية قابلت مدير المركز وهو حسام بهجت وطبعا هو من الجيل الى يفرح فى مصر ومقاتل عنيد فى حربة ضد الهيمنة على الحريات الشخصية تحت اى مسميات -- انا شخصيا اتكلمت معاة فى اكتر من موضوع وكان منهم حديث الساعة وهو حجازى وبالطبع هو لة راى فى المزكرة الاصلية الى كانت صفحة ونصف وجاءت خلوا من اى بنود قانونية اللهم الاستناد على راى المفتى وقال حسام انهم اضطرو يعملو ورش عمل مع الشبكة العربية ومركز هشام مبارك لتدارك الامر ولكن كان الامر قد نفذ
حسام بهجت بيقول انا مع الحق ومش مع حد ضد حد وضرب مثال بكدة لما قال انة متداخل ضد جلسات النصح والارشاد لانها بتقييد حرية المعتقد وانا شخصيا معاة فى كدة ولكن على ان يتم التعامل بالمثل فى حالات المتحولين من والى الاسلام
وبلا شك هم كمركز فرحانيين بحكم البهائيين الى حصلو علية وكمان ناويين يعملو زيارات ميدانية للصعيد ولاسيما بعد ماحسام قابل جوزيف جرجس حلمى المهجر من اسنا الى الاسكندرية فى اعقاب احداث العنف الطائفى الى حصل هناك
بعد حسام ماقابل جوزيف رجع قال لى بدعى لك وبدعى عليكى ---- فقلت لة علشان تبقى تعذرنى
من كل القلب بندعو لحماة الحريات فى مصر بالنجاح لانهم فعلا مع صاحب الحق دون النظر للونة او جنسة او معتقدة
وابرزهم
احمد سيف الاسلام حمد - مركز هشام مبارك
جمال عبد العزيز عيد - الشبكة العربية لمعلومات حقوق الانسان
حسام بهجت - المبادرة المصرية للحقوق الشخصية
مركز نديم لتاهيل وعلاج حالات التعذيب والعنف بكامل اطبائة
وطبعا واضح من الاسامى التخصصات - يعنى الى عاوز محامين وتعذيب ومواضيع جامدة يبقى هشام مبارك والى عاوز حرية تعبير وراى يبقى الشبكة العربية والى عاوز حريات شخصية ومعتقدية يبقى المبادرة
وسلام